كنت مرافق مع اخوي بالمستشفى العسكري وكان فيه ممرضة سويدية (طلقة)وكانت هالممرضة مشهورة مرة في المستشفى (بالجمال طبعا) وانا الصراحة يوم كنت اشوفها كنت اضيع لدرجة اني احس ان ما يبقى في جسمي قطرة دم وفي ليلة عيد الفطر وفي الساعة 1 اخر الليل .
.
.
.
.
.
لايروح بالكم بعيد
دخلت علينا هالممرضة وكالعادة قمت ارتجف تقول كأن عندي امتحان وفتحت الانوار والمرضى نايمين
طبعا انا عادي صحيت من النوم بس (((((((عاااااااااااادي))))))) لكن الشيبان اللي في الغرفة قامو يصايحون على الضعيفة يقولون ((((طفي النور الله يطفي ضووس))))) وانا اقول استغفروا. ويصايحون عليها وهي ما تدري ويش يقولون .
قمت انا بالفلسفة المعتادة اسوي اعرف انقليزي وانا والله من جنبها وقلت......((((كلوز ذا لايت بليز))))))) الشيبان قالو تمام معنا مثقف .
يوم سمعتني الممرضة قامت تبربر انقليزي والله ما ادري وش قالت
قالو الشيبان ويش تقول الحمرا ذي
قلت تقولكم تبغى ترتب الغرفة وتروح
والله ويصايحون الشيبان :قلها ما لقت ترتب الغرفة الا ذالوقت؟؟؟؟؟؟؟؟؟
قلت في نفسي والله الورطة بعدين قلت للشيبان انها تقول شوي بس وتروح
قال واحد منهم:راحت روحها وانا اقول استغفر يا عم
المهم راحت الممرضة ولا طفت النور قمت انا وطفيت النور وبعد خمس دقايق جت الممرضة ومعها ولد صغير على الكرسي صاير عليه حادث ومعه ابوه مرافق.
قام ابو الولد وازعجها بالاسئلة وهي ما تعرف عربي ايش تتوقعون سوت؟
جت عندي وانا اتنافض وقال ((((ار يو سبيك انقليش))))) انا ضيعت وقلت :
يس يس يس
وقامت ترطن انقليزي والله ما ادري ايش تقول انا مضيع ولا افهم اساسا انقليزي وبعد ما خلصت رحت لابو الولد وقلت تقول ان الولد طيب وما عليه خلاف.
قال ابو الولد :اسالها المخ سليم ولا لا
قلت في نفسي والله الورطة
قلت للرجال:ايه بس انا ما اعرف معنى مخ بالانقليزي.
عرفت السويدية ان والله ما عندي ما عند جدتها وراحت تجيب مترجم يترجم للرجال الضعيف اثاريها تقول:ان الدكتور جاي بعد ساعة وبيكشف عليه وبيسوون له اشعة كاملة وان عنده كسر في الكتف.
وانا اقول انه طيب وما عليه خلاف
انتهى الموقف.
ولي تعليقات
1-اذا فيه احد يتحداني بموقف عنده يالله (الميدان يا حميدان)
اتمنى تكونو ضحكتو حتى لو مجاملة.
الثلاثاء 12 فبراير - 18:43 من طرف صمت المشاعر
